广州音乐会全场爆满 许靖韵提早被嗌安哥

2019-01-12 03:01:47  阅读 11 次 评论 0 条
■各地粉丝专程前来支持。
■各地粉丝专程前来支持。

   因为参加内地选秀节目而爆红的许靖韵(Angela)日前于广州中央车站展览厅举行第一个售票音乐会《Angela First Tour 广州站》,近千人的场馆全场爆满。

  近两个小时的演唱会以歌会友为主,当晚Angela换了两套衣服,除了骚唱功外,仲大晒音乐才华,更一口气用钢琴自弹自唱四首歌。Angela话音乐会前期待之余又紧张,「广州第一次有自己卖飞的音乐会,开骚之前都好紧张,但係又冇乜时间紧张,因为前后得两个星期去準备成个音乐会,排练、谂歌、度rundown。一路都冇特别去谂过自己可以有卖飞音乐会,觉得呢件事好似等好耐、好期待,然后又好快就发生。」

  粉丝製「粉红海」

  第一次开骚,Angela话有好多难忘事,当中有观众嗌「安哥」印象特别深刻,「其实之前都冇特别谂安哥,到真正开骚时,我都未唱完,观众已经嗌安哥。其实之前队band都有问过,如果人唔嗌安哥咁点?哈哈。所以係好开心,我未唱完时候就嗌安哥,同埋觉得好搞笑。」而歌迷的支持亦令Angela好感动,「我知道有好多粉丝係特登买机票飞过睇我第一个音乐会,又要book酒店,呢样我已经觉得好不可思议,同埋好感动。」Angela更表示要特别多谢陈芳语和吴香映的粉丝,「因为佢粉丝都有送花篮过,真係好开心咁多人支持。」

  粉丝们除了亲身到场支持,更做了好多有心思的事情,「我一入到去化妆间,就已经见到摆满晒佢送粉红色蛋糕、布都係粉红色、气球都係粉红色,全部都係粉红色,布置一个好靓化妆间畀我。会场门后,佢摆好多花篮、好多可以畀人打卡相框,做好多好有心思。之前粉丝话如果我开骚,佢一定会为我準备一个粉红色海,即係佢会拎住粉红色灯棒。音乐会当晚我真係见到呢个粉红色海,但好搞笑係,个粉红色海,去到音乐会尾声时有冇电,哈哈哈。」

评论已关闭!